古代對付謀逆等十惡不赦之徒，最重嘅刑罰係凌遲，受刑者身上嘅肉被零刀碎割，咒人「殺千刀」就係咁解。漢奸黎旗下壹淫媒愈做愈縮，閹吓一忽，閹吓又一忽，想學似武俠小說「欲練神功，必先自宮」咁引刀成一快而不可得，嗰種痛苦，正正就係漢奸賣國賊嘅下場！
大家有眼見，漢奸黎之前多次誓神劈願，話出售壹淫媒旗下刊物就「一世契弟」，結果一個屈尾十就將《壹週刊》賣盤。當時功夫茶已經批死，漢奸黎窮途末路，內外交困，今日賣得壹仔，聽日可以賣埋「爛果報」，「契半弟」遲早變「契全弟」。果不期然，《飲食男女》宣布摺書並轉為網上版；爛果報體育、馬經以及財經版嘅美術工序，正式行外判制，集團原本主理《壹週刊》同埋《飲食男女》等刊物廣告嘅營銷部門，亦會進行大規模裁員。
都話喇，多行不義必自斃，漢奸黎反中亂港合該有此一報，可憐咁多年嚟幫佢賣命嘅員工，助紂為虐蒙上人生污點之餘，家陣慘被賣豬仔，套用壹仔社長兼總編輯嗰句，同「畀人賣落妓寨」冇乜分別，話唔憤怒係假嘅。工會尋日同管理層開會，為被裁員工爭取除遣散費外，按年資獲得額外賠償，結果唔使問阿貴，梗係對牛彈琴喇！
喂！漢奸黎係乜水，跟開佢搵食嘅伙記冇理由唔知，條肥佬既然做得契弟，只要價錢合適，可以出賣靈魂，可以國家民族，甚至可以出賣所謂「民主自由言論重鎮」，做埋無良僱主賣員工豬仔，更加係小菜一碟，難為有人仲幻想佢賣壹仔獲利三億幾，可以「從中抽出數個百分比，以慰勞長年不辭勞苦服務嘅員工」，簡直太傻太天真。
咪話唔提醒，類似「假自僱，真裁員」計劃，未來相信陸續有來。雖然管理層實牙實齒爛果報A疊（即港聞版）未來兩年唔會行外判制，但漢奸黎夠話賣盤正契弟喇，結果又如何？第樣唔使講，如果漢奸黎真係有誠意，就唔會次次開會都唔蒲頭，淨係派啲o靚出嚟受靶喇！聽聞佢老哥家陣喺美國風流快活，話唔定正忙於恭聽洋主子聖訓，邊得閒理你哋打工仔死活？
所以話，壹淫媒苦主依家只有兩條路可走，第一係搵到好路數盡快跳船，切勿再無謂浪費青春；第二係透過法律維權，對無良僱主追究到底。話時話，「假自僱，真裁員」擺明涉嫌違反勞工法例，勞工處究竟死咗去邊？漢奸黎搞佔中及黑金操控政客，司法唔敢郁佢，如果連行政部門都玩放生，三權豈不是畀佢老哥玩晒？