政情：郭振華「升呢」做工總主席
香港工業總會（工總）新一屆理事會成員尋日出爐，郭振華「升呢」成為一七至一九年度工總主席，接替前主席鄭文聰。郭振華喺記者會上指自己十幾年前起已經係工總會員，更自爆升呢前專登用咗三個星期熟讀多個國家嘅勞工條例。梗係喇！未來佢要同勞工界就標準工時同強積金對沖較勁喎。
話會把握一帶一路機遇
郭振華話上任後主要聚焦幾個方面工作，包括推動科技創新同「再工業化」；開拓B2B同B2C商機，以及把握一帶一路及粵港澳大灣區國家發展規劃機遇，佢又期望透過商貿展覽會促進商貿交易，拓展內銷市場。
新一任有五名副主席，分別為嚴志明、葉中賢、楊悰傑、查毅超同陳祖恒，其中查毅超同陳祖恒係新上任副主席。嚴志明話今時今日工業同以前唔同，除咗工廠生產一環，仲包括生產前後過程，例如設計。佢話未來會培育更多設計人才，助設計同生產接軌。