疑事主撰千字文 狠批網民風涼話
【本報訊】秀茂坪順天邨風化案暫告一段落，但之前有「吹水」網民在討論區妄評受害女生，激起女生的憤慨。自稱是案中受害人的女子，在網上貼出千字文章，怒斥不負責任的網民對她落井下石，給她的感覺是「隔岸觀火」，形容當中不少留言粗鄙低俗「難聽過粗口」，她質問部分網民「咩嘢勞資糾紛」、「咩嘢明知山有虎」、「咩嘢叫個女仔唔慌處女啦，可能平時做開援交」，並且直言：「睇到呢啲點都係多一次嘅傷害！」
強調並非穿着性感
她在文章中指：「瞓咗一覺，已經冷靜咗好多，但見到網上同身邊嘅人嘅反應，睇完之後好唔舒服。」她選擇不在有關討論區貼文，是因為留言後被人起底的機會好大，故在其他群組抒發心聲，並坦言：「呢件事上面我都仲想保留番自己嘅私隱，我都係個普通人。」她回應部分網民的質疑時指，不便透露案件細節，但是自己並非「兩點先去跑步」，而是「跑完步行緊返屋企」，亦並非衣着性感，只是穿着運動短衫短褲。
她強調有顧及個人安全，選擇在「起碼都叫有啲車會經過」的馬路行，在盡可能的情況下「盡量做我覺得安全嘅選擇」，豈料「係一個咁開揚嘅位遇到呢種事」。
她又指，夜跑主要是「惰性同返工嘅緣故，朝早起唔到身跑，放工又放得晏！」她指有人將九龍灣橋底色魔強姦案相提並論，女生坦言︰「但我比嗰次個女仔遭遇要好好多，叫做不幸中嘅大幸！」