律政司司長袁國強連日來為高鐵一地兩檢方案解畫，尋日仲話，假如日後再爆違法佔領行動（佔中），港府係唔會隨意或任意將被佔領嘅地方短租畀內地，以內地法律處理事件。不過，兩年幾前發生嘅違法佔領行動，港府就以本地法律處理，但係至今仍停留喺起訴階段，包括壹傳媒黎智英、佔中三子戴耀廷、陳健民同朱耀明等佔中搞手仍未被檢控，皆因負責檢控工作嘅律政司歎慢板一味拖延，袁國強實在責無旁貸，叫市民點相信本地法律足以應付將來有機會再出現嘅違法佔領行動呢？
