反對派四位議員被ＤＱ後，如喪考妣地搞咗個聲援會，以為冇一萬都有幾千人去支援吓啩，點知得三幾百人，門庭冷落得淒涼。有心水清者計過數，當初投票畀佢哋嘅選民合共逾十二萬七千人，按此比例，只要其中有百分之十嘅人支持，起碼都有逾萬人出去撐呢班「民意代表」。可惜吖，就算畀夠十三萬人去撐佢哋，之但係仲有成六百萬人唔想佢哋留低噃！有個網民鬧得好：民選議員並不是大×晒⋯⋯前南韓總統朴槿惠係全民選出來，點解仲要坐監呢？因為天子犯法與庶民同罪，何況係垃圾會裏嘅垃圾！市民難道真係如小學雞鄭松泰所講係「白癡」？再用選票「Vote them in」，畀一堆垃圾再濫花公帑去製造噪音？
時移世易，市民已睇透呢班垃圾嘅真面目。正如有論者指出，反對派講到底就係要錢啫，直頭當市民係「水魚」：元旦，籌款；六四，籌款；七一，籌款；選舉前，籌款；選舉後，籌款；打官司，籌款；ＤＱ了，再籌款⋯⋯總之，一年四季好時光，花開花落都係籌款時！
長毛求財若渴，老朽前文已詳述，不贅。而當香港眾志成員羅冠聰被逐出議會後，「思想家」黃之鋒即喺臉書呻窮：「十多位議員助理面臨失業，香港眾志將失去每月廿萬的辦事處營運開支，財政陷入水深火熱狀態」云云。阿哥，你哋為香港做咗乜嘢大事？憑乜要請成十幾個議助？
呢，要鬧嘅仲有「佔中三丑」戴耀廷、朱耀明同陳健民。佢哋出爾反爾，不但反口拒絕認罪，仲巧立名目由同路人設立「守護公義基金」籌款以助佢哋喺法庭上抗辯。啱啱過去嘅七一遊行，「佔中三丑」大模廝樣拎出籌款箱，為訟費求財使出渾身解數⋯⋯事實上，自佔領運動以來，市民已睇清激進派冇料到，尤其所謂自決派嘅論政水平極低，捐錢畀佢哋打官司，老朽情願笑住倒錢落海！