家明和國強今天第一天開始去大型連鎖餐館工作。
家明說：「國強，你有冇注意到呢度有啲唔同顏色同種類嘅手套？你知唔知佢哋有咩用處同分別？」
國強說：「我唔識呀，求其拎去用啦，快啲完成工作就可以收工。」
正當國強想隨意拿起一對勞工手套時，主管突然出現。
主管說：「停！國強，你點解拎嗰一對勞工手套準備清洗工作？咁簡單嘅安全知識都唔知道？」
國強問：「吓，原來有分別o架？我以為只要手套無破損就可以用。」
主管說：「唉，等我話你哋知防護手套選擇要點。防護手套類型有多種，由唔同物料製造以應付個別嘅用途需要。因此，揀選防護手套時必須小心謹慎先可達致理想嘅保護效果。首先找出對手部嘅危害，透過風險評估，找出危害及嚴重性/程度。依據危害嘅嚴重性/程度，選擇相關嘅防護手套。例如當揀選防化學品手套時，應考慮化學品濃度以確定該手套能抵禦該濃度。舉例說，由天然橡膠製造嘅手套可應付一般低濃度嘅無機酸，但不能抵禦濃硝酸及濃硫酸。」
家明說：「嘩！原來手套都咁有學問。」
主管點頭說：「你講得啱，我哋工作地方各種防護手套都有，如化學防護手套、耐熱手套、耐切割手套等，合乎相關國際安全標準。但提一提你哋，用手套前一定要再檢查手套有沒有破損，有問題要即時棄置及更換。」
國強及家明齊聲說：「我哋清楚知道了。」
職業安全健康局
www.oshc.org.hk