天道好還，而且有時快到你唔信。漢奸黎早排公然恐嚇本報記者，左一句「×你老母×」，右一句「實會搵人搞你」，點知話口未完，即刻折墮到連《壹週刊》都要賣，輪到自己老母×畀員工兜口兜面×，呢啲咪現眼報囉！
大家有眼睇，漢奸黎多次誓神劈願否認出售旗下刊物，仲話賣咗就「一世契弟」，依家一遇到好價錢，即刻賣家當都賣唔切，毫無廉恥可言。正所謂無恥者無敵，漢奸黎畀員工鬧「契弟」固然唾面自乾，畀人×老母×咩，斷估亦會面不紅氣不喘，分分鐘學劉邦講句「分一杯羹」都似。
至於漢奸黎以五億元出售《壹週刊》等刊物喺香港及台灣嘅業務權益，唔單止畀人搞，直頭畀人買起。有人計過數，漢奸黎如果早十幾年賣，個價遠遠唔止五億，依家扣除注資新公司嘅資金，實收得三億二，根本不可同日而語，真係畀人搞都搞得唔夠過癮。
最大鑊嘅係，淫媒愈做愈縮，家陣剩番張「爛果報」吊吊揈，作為唯利是圖嘅契弟，漢奸黎當然想賣埋擸多筆走路，問題係連份報紙都冇埋，佢老哥乜嘢影響力都冇晒，到時仲憑乜嘢向洋主人邀功討狗餅？繼續死撐咩，亦唔係辦法，事關份爛果報愈出愈薄，睇怕到咗不得不賣之時，分分鐘變咗火場拍賣，監平監賤都未必有人要，下場係點大家記得放長雙眼(目及)實。
雖然話淫媒旗下刊物搞風搞雨，害人害物，愈摺得多對社會愈好，但對於幫漢奸黎打工嘅嚟講，失驚無神畀人賣豬仔，唔嬲就假，該刊副社長兼總編輯形容今次交易係「賣員工落妓寨」，可謂一針見血。講開妓寨，不得不提素有「妓協」之稱嘅香港記者協會，佢哋平時扮晒新聞自由衞士，也文也武，一涉及金主就即時龜縮扮鵪鶉，今次亦唔例外。「妓協」發出嘅所謂「聲明」，語氣又係冇氣冇力，一味呼籲「妥善處理」、「充分溝通」，廢話連篇。莫講話冇半句譴責，連「黎智英」三隻字都唔敢提，喂，臨時演員都係演員，交足啲戲好喎！
當然喇，記協話就話畀人叫「妓協」啫，你估佢哋真係好似其他組織咁幫啲「姐姐仔」爭取權益咩。睇過舊小說嘅都知，老鴇服務對象唔係妓女，而係金主，老鴇對付唔肯接客嘅妓女，酷刑千奇百怪，令人慘不忍睹。所以話，叫「妓協」都係抬舉咗佢哋，叫「鴇協」就差唔多。
今夕吾軀歸故土，他朝君體也相同。漢奸黎今日賣得《壹週刊》，聽日可以賣爛果報，後日唔爭在賣埋你「妓協」，到時老鴇入火坑，自己接客喇！