四個被取消議員資格的反對派議員，以「長毛」梁國雄最多聲氣。阿哥，平時喺議會最搶眼就係搞破壞，亂呼狂叫被逐出會議廳，拍拍屁股又收工，如此好工真係香港至有，難怪被ＤＱ後如喪家之犬！只要見到佢出席公開場合，三句唔埋兩句就係呻窮，跟住老實不客氣叫市民捐錢，科水助其打官司；更異想天開，促政府不答辯，還番被ＤＱ嘅四人議席，重返議會喎！長毛面帶憂傷咁話：上訴牽涉巨額訟費，至少三百萬元，一旦無法支付，便要宣布破產，之後無法再參選立法會。換言之，亦即係永世不得翻身！
傻的麼？大部分市民送瘟神都送唔切，家陣你又一味講錢唔講心扮可憐，咁又係，開講都有話「從奢入儉難」，個個月薪高糧準，唔使點做全靠嗌口號就十萬銀一個月，如此住公屋嘅「窮人」如今變失業花甲翁，的確又係幾慘慘豬！
中國人的性格縱使有不少缺陷，可是仍有含蓄的一面，內地漫畫家方成說他和朋友在飯店吃飯，服務員端上他們點的燒雞；方成嘗了，服務員問：味道好吧？方成說：味道還好，就是歲數大了點。大家樂了，明白他的意思是說雞太老了，肉難嚼。這說法婉轉有趣，服務員也容易下台。如今長毛把話說得太赤裸：大家科水打救我哋啦！其實，佢如果含蓄點說，應該話：如今人到花甲先冇得為市民服務，太得閒好唔慣囉！大家如果想見到我喺議會又動手又動口，搞吓氣氛娛樂吓大家，咁就快啲幫幫手，捐多兩塊錢喇！
多數選民亦應該睇到你哋「求財若渴」嘅真面目。捐錢？No Way !中國兵書《六韜》說：義勝怠者王，怠勝敬者亡。意思是說，道義勝過私欲者可以統治國家，私欲勝過敬慎者就會滅亡。事實上，梁國雄之流喪失議席後，一味發錢寒，畀人見到佢私欲大過想為市民謀福祉啦！「革命家」做不成，好好在公屋澹泊明志吧！