筆下風雲:契弟就係契弟

姣婆守唔到寡,契弟改不了本性。曾揚言不會「賣仔」,否則「一世做契弟」的漢奸黎始終做了契弟,將台港《壹週刊》及多份雜誌以五億元出售,繼假自僱、真裁員後又一次出賣員工。

所謂五億元,當中一億八千萬元是用來注入雜誌業務,實質作價只有三億二千萬元。作為壹淫媒標誌業務,這個價錢當然差強人意,但只消看一看《壹週刊》的實際情況,便會覺得檢了個大便宜,這本爛雜誌近年愈出愈薄,不僅內容無睇頭,直情連廣告都無幾個,難得有人肯買,漢奸黎當然(舌累)飯應。要知道,漢奸黎幹下太多反中亂港的陰騭事,落鑊是遲早問題,正所謂「契弟走得麼」,有錢擸當然即擸,難道還要顧員工死活嗎?

別看漢奸黎平時滿口仁義道德,以民主鬥士自居,其實反中亂港也不過是一盤生意,以前有大水喉射住,要風得風要雨得雨,可惜風水輪流轉,特朗普上台後閂水喉,壹淫媒一年蝕近四億元,漢奸黎早就風光不再,尤其眼見收受其黑金的政客逐個收檔,「嗰頭」已經不遠,還不金蟬脫殼更待何時?

可憐的是旗下員工為他仆心仆命,現在才知上錯賊船。漢奸黎連賣國求榮都視為小菜一碟,出賣員工又有何出奇。淫媒員工除了怪漢奸黎反轉豬肚,也要問自己為何這般天真。