車都沖落河 「62年未見過咁大水」

洪水湧入屋 起碼三呎深

被洪水沖落河七人車的姓張車主稱，搬到村內居住約三年，第一次見到嚴重水浸，昨晨約八時雨勢強勁，河水氾濫，並無為意，兩小時後，發現七人車被沖落河，「我無諗過咁犀利，連架車都沖得走，如果唔係我揸走部車啦！」張無奈指座駕不能再用，需要購買另一輛。

山寮村的梁村長說：「啲水湧得好犀利，好似黃河咁沖入屋，（水深）起碼有三呎，以前都未試過浸得咁勁！」張指河道以前較深，懷疑由於近年有石頭沖至河道堆積，政府部門又沒有派員清理，將會與村民開會商討，然後向當局反映情況及盡快派員清理。

目睹座駕被洪水沖至車疊車的車主蕭太稱，當時「見到都救唔到，在樓上都覺得好驚」。

盼政府派員盡快疏理河道

另一名姓吳村民稱，居於村內近廿年，首次經歷水浸屋，最大雨時水深及膝，梳化及木櫃全部報銷，損失約三萬元，希望政府派員盡快疏理河道，以免再發生水浸。