政情：公民講場：向吳克儉說不 楊潤雄唔做旅遊局長

剛卸任教育局局長嘅吳克儉，於過去五年任期經常外訪，被外界稱為「旅遊局長」，質疑佢外訪吃喝玩樂大過天，根本於推廣香港教育工作方面作用有限。新任教育局局長楊潤雄出席電台節目，被問及會否倣效吳克儉五年任期外訪六十次嘅做法，佢即時耍手擰頭，話六十次外訪即係一個月外訪一次，又強調若然外訪同香港嘅工作撞時間，會以香港嘅工作為先。楊潤雄呢個說法變相向佢嘅前上司吳克儉說不，下定決心要撥亂反正，重回正軌。