政情：今日你上鏡：陳國基袁莎妮大談影相經
香港總商會尋晚舉行一個攝影比賽頒獎禮，特首辦主任陳國基及政務官出身嘅總商會總裁袁莎妮（Shirley）同場現身，而且有傾有講，一方面佢哋早年於政府曾經合作，此外兩人都係攝影發燒友！
陳國基話，家中本身有數十部相機，但由於自己太忙，以前都冇太多機會拎相機出來影相，不過趁住早前到蒙古旅行，雖然當時天氣係零下四十度，自己都有把握機會影相留念。
佢又透露於天寒地凍地方影相嘅秘訣，就係記住要帶兩部相機，因為每部相機影十分鐘已經凍到影唔到，要轉用另一部相機；Shirley亦都好鍾意影相，曾經到非洲影動物，她提醒大家唔好以為大象好溫馴，其實影嘅時候都要多加小心留意。