陳太的家正在進行維修，這天剛好遇到了負責工程的梁師傅，與他商討工程進度後，陳師奶問：「梁師傅，聽講跟開你做嘢嘅工人良仔昨日喺梯度跌咗落嚟，佢依家無事嘛？」
梁師傅答：「有心喇，陳師奶，佢傷咗條腰，依家喺屋企抖緊，我諗佢來緊兩、三個月都應該開唔到工。」
陳師奶擔心地問：「哎呀，我見梁師傅你哋平時做嘢都好注重安全，點解今次良仔會無端端喺梯度跌咗落去，搞到依家手停口停咁慘？」
梁師傅嘆氣說：「唉，我平時已經千叮萬囑話梯具只可用作上落之用，就係我睇漏眼，佢貪方便走去用『夾梯』移位方法來做嘢，所以就搞到依家咁。」
陳師奶說：「哎呀，咁吓吓要你睇住先做到嘢，都唔係辦法(口架)？」
梁師傅道：「佢依家見過鬼都怕黑，以後唔會啦。我依家準備去買針對兩米以下高處工作的『高處工作安全三寶』—流動工作台、梯台和功夫櫈，諗住畀班伙記提供更全面又安全嘅合規格高處工作設備，等佢哋做起嘢上來更安全。話你知啦，陳師奶，流動工作台用途廣泛，底架可摺合，靈活性高，適合一般室內裝修維修工程。梯台的主體結構及梯腳由非導電材料製造，適合於機房、電掣房等有電力設備嘅環境使用。功夫櫈相對梯台可提供較大嘅橫向工作空間，更切合工人進行泥水批盪、鋪牆紙或電線安裝等裝修及維修工程。用呢啲合規格高處工作設備做嘢，我就放心晒。」
陳師奶：「果然係做足安全措施，方為梁師傅，你係得嘅。」
職業安全健康局
www.oshc.org.hk