當年魯迅同政敵筆戰，大罵對方係「資本家嘅乏走狗」，要痛打之。所謂「乏」者，有人解釋即係走唔郁咁解。試諗吓，主人養得走狗就係要嚟四處吠人咬人，一隻走唔郁嘅疲乏走狗簡直嘥米飯，遲早畀主人炮製香肉煲嚟歎嘅咋！
呢嗱，記協正正就係呢挺「乏走狗」嘞。冇錯，記協長期接受漢奸黎旗下壹淫媒及外部勢力豢養，走狗之名不脛而走，而佢哋一有機會就充當打手，可惜受資質所限，攀咬不得其法，結果自取其辱唔衰攞嚟衰。記協日前發表所謂「言論自由年報」，對《東方》舊年一篇有關內地女律師王宇嘅報道，包括內容有冇新訊息，篇幅長短等多所批評，干預編採自主呢筆姑且唔講，上述律師專訪除咗《東方》之外，仲有幾間媒體參與，記協特別對《東方》諸多挑剔玩針對，盲嘅都知居心何在喇！
即係咁，記協既然做得走狗，冇人期望佢哋大公無私，但假假哋都要扮吓「公平公正」吖嘛，點知記協連做戲都唔識做，漢奸黎爆粗辱罵兼涉嫌刑事恐嚇本報記者，搵勻成份記協年報一隻字都冇提到；至於壹淫媒搞「假自僱，真裁員」，涉違反勞工法例及損害新聞自由，記協發表聲明唔係「譴責」漢奸黎，反而大讚淫媒「以敢言著稱」，果然係狗改不了吃屎。
話時話，漢奸黎既然玩得「假自僱」陰招，好明顯已經山窮水盡，有限狗餅好應該用喺刀刃上，養住記協呢班廢柴，盞幫倒忙嘅咋。大家有眼睇，無論記協喺臉書出咩Post，網民一面倒鬧爆，直指佢哋幫金主做嘢，根本唔配叫做新聞團體。不過又講番轉頭，網民嘅狂插言論，功夫茶大部分舉腳贊成，尤其「妓協」呢個朵實至名歸。正所謂樹大有枯枝，族大有乞兒，部分傳媒敗類呈現服務性工作者特徵，一啲都唔出奇，妓協講新聞自由，同妓女講貞操一樣，都係笑大人個口嘅咋！
當然喇，記協雖然掛住「香港」嘅名銜，實際上全無認受性，本港新聞從業員數以萬計，到底有幾多加入咗該組織，頗成疑問；每次記協改選領導層，都係黑箱作業小圈子圍威喂搞掂，「689」、「777」都話有個票數，記協選主席，連幾多人參加會員大會、佔總會員人數百分之幾都諱莫如深，直頭五十步笑百步，既然記協不代表記者，佢哋廢噏大可當放屁可也。
要凸顯記協嘅不堪，易過借火，依家就等功夫茶出條題考吓佢哋。我哋逐隻字跟足漢奸黎講法，大大聲「×妓協老×」，「實搵人搞佢」，考驗吓記協有乜嘢反應吖！