尋日係新政府首個工作天，但運輸及房屋局局長陳帆已開壞咗個頭，連累下屬代為道歉。事關立法會房屋事務委員會舉行公聽會，討論劏房居民住屋困難問題，唔少出席人士大呻政府多年嚟公屋數目唔達標，樓價同租金不斷上升，仲鬧爆陳帆唔出席公聽會，最後要常秘應耀康解畫，仲話對陳帆冇出席而感到抱歉添！早喺新班子名單流傳期間，政圈傳出陳帆有高政治敏感度又擅於拆彈，點知第一日返新工就中彈，真失策！
