政情：想千杯不醉陳綽琦有妙計

本身從事金融工作嘅Christy，過往不時要到內地公幹，應酬少不免，雖然佢間唔中都鍾意同朋友飲番幾杯輕鬆吓，但愛靚又愛健康嘅佢都要諗計節制，所以佢每次返內地若果知道要食飯飲酒嘅時候，都會有所準備。

畀定利是侍應 酒壺藏水

Christy話平日喺內地多數飲白酒，而白酒斟出嚟嘅顏色又同水差唔多，所以佢要應酬食飯時，一去到餐廳或酒樓就會預先畀封利是仔啲侍應妹妹，咁佢哋負責斟酒嘅時候就會有兩手準備，斟畀其他人嗰壺係酒，斟畀佢嗰壺其實就係水嚟，咁佢嗰晚就可以「千杯不醉」喇！

應酬遇「抽水」 要識拒絕

佢仲話女仔工作嘅時候要識得錫身，比如應酬遇上被人「抽水」嘅情況，一定要明確咁表示拒絕，啞忍唔單止會讓對方得寸進尺，仲有機會被人質疑你嘅工作能力o架！