兩地就高鐵一地兩檢嘅細節安排仍未傾妥，而運輸及房屋局局長張炳良早前講到模棱兩可，話內地執法人員將來喺高鐵西九龍總站只係處理清關工作，已遭外界質疑係咪容許內地人員局部執法，就連立法會議員田北辰都話若果情況屬實，就係內地一大讓步添！點知尋日就有京官表明高鐵一地兩檢肯定係採用深圳灣模式，否則就唔係一地兩檢，咁講即係執法同清關全部做晒，簡直就係兜巴星張炳良呀！
