由於政府即將換屆，多項具爭議性嘅工程項目因泛民主派拉布而未審批，早前立法會主席梁君彥提出「大會讓路財會」嘅方案，然而「讓路」卻惹來一眾泛民群起反對，批評佢破壞議會傳統、削足就履，甚至喺會上拉布，以示抗議，梁君彥終於「跪低」，本周四大會唔會提早完會。
為免工人失去飯碗，或因工程延誤而導致賠錢，梁君彥上周四將大會會議由晚上八時完會，縮短至下午一時完結，下午便隨即召開財委會，最終啟德體育園同沙中線撥款獲得通過。然而早前有立法會文件已指出，本周四嘅大會唔會提早完結，意即梁君彥「跪低」，唔再讓路畀財委會。
由於大會唔讓路，財委會本來每逢周五下午召開會議，而立法會尋日發出通告，指由於本周五晚上將有唔少議員出席回歸晚宴活動，故擬取消周五下午嘅會議，並諮詢議員可唔可以提早喺早上八時四十五分召開兩節兩會，以處理積壓嘅議程。