做療程冀「精神好啲」 第三被告游說：冇乜副作用

任教師 出事後遭解約

王於一九五二年在上海出生，七八年來港，一二年事發時在小學教中文、數學及常識，月入兩萬八千多元，出事後因失去工作能力遭解約。王憶述，她○八年在維園工展會認識DR，最初只光顧做facial（面部護理），對其推銷的Botox及透明質酸等療程感抗拒，但DR美容顧問及經理向她力推CIK療程，「每次做完facial就捉住你sell（推銷）佢哋啲嘢，好多時掹住我，你唔應承就唔畀你走」，又聲稱療程可消除亞健康，令她「精神狀態好啲」，「國內、出面好多人打，個個都話好」。

苦主：要照顧智障兒子

王靜波推卻了四、五次，最後仍購買療程：「因為我自己負擔好重，我需要一個健康嘅身體，當時我要供樓，有個仔要我照顧，佢係弱智加自閉嘅，另一個仔無工作，精神狀態對我嚟講非常緊要。」

庭上播放王與第三被告麥允齡的錄音對話，王透露她本身貧血，曾做婦科及關節手術，需食甲狀腺藥物，曾有醫生指她的心臟「用得好盡」。麥向她解釋CIK細胞是白血球的一種，人人體內都有，作息不規律的人CIK細胞水平偏低，故抵抗力較差，麥形容CIK是巡邏細胞，可追蹤「一啲唔好嘅細胞，跟住食咗佢」。

麥又指抽血不多，約100至150cc，「一次經期都唔止，一罐益力多囉」，血液送到科學園培植三、四星期後，再以吊鹽水方式回輸到體內。麥說：「其實呢個係你自己細胞，所以大部分人做完之後都冇乜副作用。」並解釋因免疫系統受刺激「打仗」，每百人可能有五人接受療程後一兩日有輕微發燒，只要食少許簡單退燒藥，四十八小時內便會退燒。