政情：公民講場：小肥張籲咪拉布民主派當佢冇到

喺民主派全方位拉布下，搞到立法會財務委員會大塞車，積壓好多撥款申請未審批。臨近七月中會期結束，政府當然急如鍋上螞蟻，政務司司長張建宗（小肥張）尋日同十五名民主派議員會面，希望民主派議員實事求是，喺餘下數星期，爭分奪秒，呼籲班議員如無必要唔好拉布，但係班民主派議員就話議員職責係審議撥款，唔需要小肥張教佢哋點做議員添！講到咁，咪話班議員唔聽小肥張支笛，直情當佢講嘅係廢話。