最近有消息話新一屆政府喺組織管治班子嘅時候，有唔少獲邀請嘅人予以拒絕，唔想走入呢個熱廚房當中。唔好講話政府管治團隊，其實喺廚房以至喺樓面打工都幾辛苦，所以真係要感謝一眾飲食業職工呀！梧桐愛生呢位美人兒原本都係做廚師，家陣轉行拍寫真唔知係咪因為廚房太熱呢？
小弟踏足社會以來都打過唔少工，做過派傳單、文員仔，亦做過廚房學徒。喺廚房打工有辣有唔辣，由於當時我打工嘅餐廳廚師唔多，學咗一個星期就要一個人負責扒爐及甜品部，好處在於三餐一定唔使憂，一個人打晒骰，想食乜都冇人理，但係就算任我食都好，只係做咗3個月就激瘦20磅，點解？辛苦嘛！每日企足10粒鐘，下午嘅兩粒鐘落場時間要幫吓手搬貨同安排晚飯時段嘅食物，真係忙到爆！
提到做廚房，被喻為寫真界超新星嘅梧桐愛生曾做過5年廚師o架！22歲嘅梧桐愛生樣子生得眉清目秀，充滿日本女性美，小弟仲覺得佢同經典女星宮澤里惠有幾分相似添！身材方面更係索到爆晒燈，不但高挑，身形好似葫蘆樽咁，胴體夠晒健美又結實，胸前仲有一對彈力特強嘅E奶，認真無與倫比！
梧桐愛生係今年第二季新鮮出爐嘅寫真界新人，一出道就備受注目，咁又唔出奇嘅，佢嘅正統派美貌如此出眾，身材又弗到漏油，質素的確係超晒班。佢首隻寫真映像作品《生活於愛裏》最近推出，甫上市火速勇奪網購網站嘅寫真碟銷量排行榜第9位，成績相當唔錯，亦相信好快就會被藝能界睇中，未來一定大有前途。
投身寫真工作之前，阿妹喺廚藝界亦相當有前途，原來佢曾經去過荷蘭一間星級酒店做咗5年廚師，據聞已經將廚藝練得出神入化，唔拍寫真都可以開餐廳搵食。最近阿妹喺社交網改名做愛生，事關藝能事務所嘅負責人話佢個姓氏「梧桐」比較難讀喎，所以阿妹決定直接叫愛生就算喇。不過，阿妹改咩名都無所謂，你咁索點都可以令觀眾留下深刻印象啦。
簡介：愛生喺Twitter除咗會同大家分享工作情況，亦經常貼上親自下廚嘅照片，Click上去睇過之後，就知阿妹嘅廚藝唔講得笑，的確厲害。
網址：https://twitter.com/_aoigoto
年齡：22歲
身高：5呎4吋
三圍：34E-23-34
撰文：賢