政情：鄉議局三千幾萬存款齋擺無投資

嫌債券價錢偏高

鄉議局早前召開執委會，有委員問到較早前批出一筆五千萬元作投資用途嘅去向，鄉議局主席劉業強表示，該筆款項會用作投資低風險債券，但至今只係用咗一千幾百萬元，因為負責投資嘅委員覺得價錢偏高而仍未用盡，所以其餘三千多萬元放住落銀行先。

劉業強其後續指，稍後都會用埋餘下嘅三千多萬元作長線投資，平均利息約有四至五厘。如果成事，回報率一定比依家齋放銀行為高，睇嚟鄉議局都係想小心投資，免得投資失利損手爛腳喇。