中環出更：大叔拍片狂鬧鄭松泰垃圾

短片中所見，一名中年男子喺商場內用手提電話一邊拍攝，一邊怒罵︰「垃圾鄭松泰！你冇資格做議員！你嘥晒納稅人嘅金錢！」鄭一直保持微笑。由於該男子乘搭扶手電梯時仍繼續拍攝及指罵鄭，鄭遂勸喻：「你小心，（搭）電梯小心。」而該男子就話︰「提下你啲暴動分子好過！」

有網民留言揶揄鄭松泰為「神憎鬼厭嘅『已完』，行街都行得唔安樂」，亦有人留言︰「唔談論佢嘅工作表現，從行為、態度，佢真係好幼稚」。另有網民話唔支持「鄭生」，但嗰位「阿伯」喺街上嘈吵亦係不知所謂。

鄭指事件「冇乜特別」

鄭松泰回應事件時話尋日下晝約咗朋友到金鐘太古廣場食晏，喺海富中心出發時已有四至五人從後跟住佢同指罵佢，估計係喺附近示威完嘅建制派人士。佢話以往亦遇過同類事件，但自上任議員後有減少迹象，又話呢件事冇乜特別，但係對於被罵拉布感到奇怪，自言冇拉布。

卓妮