相信好多中國人都對「國粹」甚有認識，部分人更加會日日互相切磋一番，冇錯！我所講嘅國粹就係打麻雀喇！喺日本打麻雀嘅風氣亦相當盛行，更加有職業麻雀選手出現，巨乳寫真女郎高宮麻里正係其中一位，而今日為大家介紹嘅岡田紗佳最近亦下海做打雀專才！
日本寫真界有好多蘿莉系美少女，佢哋嘅面孔充滿天真稚氣，予人青春陽光氣息，認真可愛到不得了！不過，呢班蘿莉妹仲身懷巨乳，就好似天木純、片岡沙耶、永井里菜咁。然而，一般嘅巨乳蘿莉妹可愛有餘，上圍亦夠晒巨大，但係身材都係矮矮細細，欠缺一雙修長美腿，咁係咪蘿莉當中一定冇高挑尤物呢？非也！岡田紗佳就係一位可愛又高挑嘅蘿莉系美少女喇！
今年23歲嘅紗佳面上充滿童真稚氣，但係要佢收起甜美笑容，風格又可以作一百八十度轉變，散發出一派成熟氣質。紗佳生得可愛，身材更加得男人鍾愛，胴體纖巧而不失豐滿感，身高5呎7吋，一雙腿修長又美觀，胸前仲有一對驕人嘅純天然E奶，認真係應有盡有、無可挑剔！
唔講唔知，岡田紗佳原來係中日混血兒，父親係日本人，母親就係中國人，6歲時去咗上海居住，期間學識咗北京話同上海話。當時紗佳嘅父母因為工作忙碌而冇時間照顧紗佳，故將佢交畀經營麻雀館嘅祖母照顧，所謂耳濡目染，紗佳讀小學嘅時候就學識咗打麻雀喇！
之後，紗佳返到日本生活，憑優秀成績入讀青山學院大學國際政治經濟系，而阿妹一邊讀書一邊參加模特兒選拔活動，結果揮低其他參賽者而贏得冠軍，繼而成為雜誌模特兒。知名度日漸上升嘅紗佳，除咗展開寫真生涯，仲參與電視節目演出，為《麻雀最強戰2017》擔任助理主持喇！紗佳自小愛上打麻雀，到家陣又畀佢主持麻雀節目，遂令佢決定將興趣變為職業，學似高宮麻里咁加入日本專業麻雀聯盟，實行做個專業打雀選手。
簡介：岡田紗佳除咗鍾意打麻雀，亦對動漫同打機相當有興趣，最鍾意就係玩《魔物獵人》，大家如果亦好此道，不妨去紗佳嘅Twitter同佢分享箇中心得。
網址：https://twitter.com/sayaka_okada219?lang=ja
年齡：23歲
身高：5呎7吋
三圍：34E-23-34
撰文：賢