中環出更：陳振英助理訪客 車剷立會外行人路
立法會大樓外有私家車剷上行人路行駛，違反交通規例！尋日中午約十二時，一輛私家車突然剷上立法會大樓外、添美道的行人路停泊，五人先後落車，其後司機駕駛私家車於行人路上直線行駛，直至俗稱「公民廣場」的政府總部東翼前地外返回路面。
及至下午約二時，記者目擊一名男子陪同上述多人於中信大廈離開，相信是共進午膳，該名男子送他們離開後，返回立法會大樓七樓，即金融界議員陳振英的議員辦事處。翻查車輛登記冊，該車輛以中資銀行名義持有。
陳振英回覆查詢時話其助理卓建平曾於中資銀行任職，知悉卓今午約咗朋友「敍舊」，但佢本人並不在場。陳指作為立法會議員，明白需要守法，喺行人路上停車或駕駛都唔應該，會提醒助理。佢又指立法會有讓訪客停泊嘅車位，估計可能因並非議員本人嘅訪客，卓先冇向立法會申請許可證停泊車輛。
助理指已着友人將車駛走
卓建平回應時話，佢尋日約咗朋友食飯，因為朋友首次到立法會，朋友嘅司機見有傳媒採訪車停喺立法會附近行人路，故以為立會門口外嘅行人路亦可停車。卓喺議員辦事處抵達立法會門口見到情況後，已告知朋友唔能夠喺行人路停車，並着友人把車輛駛走。
卓妮