近期市民對優質的士服務嘅呼聲高漲，早前政府就宣布推出六百部專營的士，以回應民意，不過就引起業界強烈反對。運輸及房屋局局長張炳良尋日出席立法會交通事務委員會時，疑似受壓而語無倫次，指專營的士方案原意唔係標籤現時市面一萬八千部的士，強調冇話呢啲的士優質啲喎！張炳良呢番話真係令人費解，專營的士計劃規條多多，無非係想提高服務質素，如果唔係優質啲，咁無端端發出六百張的士牌做乜？貪得意咩？
