網上潮語「唔怕神一樣嘅對手，只怕豬一樣嘅隊友」，今竟全應驗在民主黨主席胡志偉及公民黨黨魁楊岳橋身上。胡志偉既是民主黨主席又係立法會議員，在違法佔領行動發生至今逾兩年半，壹淫媒漢奸黎在內嘅卅九名搞手仍逍遙法外，而佔領運動衍生嘅旺角暴亂案則愈判愈重。搞事者心裏發毛，此時此刻，胡志偉拋出用屁股思考嘅「特赦論」，建議候任特首林鄭上任後運用權力特赦所有違法佔領運動者！
咁嘅踐踏法治、無視公義嘅白癡言論都噏得出，虧佢成日把「公民抗命」掛在嘴邊，公民黨黨魁楊岳橋亦認同建議，呢啲自以為「叻人」嘅政客訟棍，眼見全城怒插「特赦論」，立刻轉軚話回應草率，未經黨內討論，有關言論未必是正確做法。阿哥，身為黨魁，一言既出可以唔代表黨嘅言論？咁一個強姦犯都可以話自己霸王硬上弓行為草率，未經家庭會議討論，有關施暴唔代表不正確，求法官大人特赦！天下之荒謬有如此者乎？是好漢，知衰，唔單止要道歉，更應鞠躬下台，香港冇咗你班政棍瘟神，裂痕自然修補！
治亂世，用重典；擒賊先擒王，把卅九名撕裂香港嘅佔領運動搞手繩之以法，把用屁股思考嘅政棍、小學雞踢出立法會，香港才可浴火重生，經濟民生才不會空轉，一切陳義過高嘅甚麼共識共融、理想一起去追都係鏡花水月，雷霆行動拉佔領運動搞手及幕後黑手，還法治精神及正義真理面貌，香港才有明天！否則，政棍嘅所謂「特赦論」，正如網民揶揄：你畀油麻地我賣丸仔，我畀旺角你去開賭，一於四四六六傾掂佢，以後各有各搵食，互不干涉，好嗎？
兩個黨高層淪為「豬一樣嘅隊友」，睇怕要被隔離。老朽讀前輩文章，知道如果一群豬裏哪個有點小病，飼養者須把牠隔離，否則佢多半會被同類咬死。把死掉的豬煮熟後餵豬，豬簡直喜歡得快要瘋了，拚命搶。