栗原美沙甜美貓眼娘

有人話女仔鍾意養狗,因為夠忠心,唔會好似男人咁成日做出背叛自己嘅行為;而男人就鍾意養貓,貪貓仔嬌嗲可愛。小弟我都好鍾意貓,對於青春可愛且擁有一雙甜美貓眼嘅美少女,更加可以話毫無抵抗力,所以見到栗原美沙之後,我成個人都融化了!

鮮嫩肉感

唔知大家有冇發覺,近幾年大家對愛護動物嘅意識不斷提高,每逢見到有動物受到傷害嘅新聞都大表傷感,更加會憤然聲討。正如好多愛護動物人士所講,你可以唔鍾意動物,但係千萬唔好傷害佢哋。老實講,面對住小貓小狗咁可愛嘅動物,你又點捨得做出傷害佢哋嘅行為呢?而見到栗原美沙呢位可愛貓娘,相信男人更加會對佢愛錫有加添啦!

雖然美沙家陣已經26歲,但係睇個樣似十八廿二多啲,面上散發出嘅可愛萌味夠晒濃郁,加埋一派天真氣息,令人精神一振兼夾心情開朗,感覺就好似見到活潑嘅小貓一樣。美沙仲擁有一副鮮嫩胴體,而呢副胴體帶點肉感,雖然係有少少肥,但係睇得出阿妹呢身豐滿肉地相當有彈性,且肌膚潤滑,如果有朝一日能夠握於手中,一定唔捨得放手,唔好心邪呀,我係話同美沙握手咋!

學習撒嬌

栗原美沙咁好肉地,出道以來亦同體育有千絲萬縷嘅關係,因為佢出道拍寫真之前係「Endless Sports Lady」嘅成員,之後仲做埋賽車女郎。雖然美沙身高只得4呎11吋,做賽車女郎身高上認真輸蝕,但係阿妹從來都冇放棄過,更加努力同積極咁表現自己,以活潑甜美嘅笑容迷倒唔少車迷。

做賽車女郎做到薄有名氣之後,美沙開始向寫真界進發,其鮮嫩胴體以及可愛面孔當然吸引到好多捧場客啦!同時亦帶來演出電影同電視劇嘅機會,電影作品包括《一瞬と永遠》,電視劇就有《真鍋探偵事件簿》,至於近期美沙以演出舞台劇為主,作品有《星空和聲》。今時今日美沙喺演藝事業發展略有成就,幸好佢仲有繼續拍寫真。一向愛貓且養有兩隻貓仔嘅美沙表示好多人都話佢似貓娘,故考慮喺寫真演出上發揮呢個特點,現時每日都從兩隻愛貓身上學習點樣撒嬌,甚至學習貓貓嘅生活方式添!

社交網站

簡介:栗原美沙經常都會將自己嘅工作消息喺Twitter發布畀大家知,想緊貼美沙嘅最新動向就要Click上去睇喇!

網址:https://twitter.com/misa_kurihara

栗原美沙Profile

年齡:26歲

身高:4呎11吋

三圍:34-24-34

撰文:賢