政府喺舊年底實施新辣招壓抑樓價，早前被踢爆有買家就以「一契多伙」拆招，用一份合約購買多於一個住宅單位，以豁免繳交較高嘅印花稅，令辣招效用成疑。面對嚴重漏洞，運輸及房屋局局長張炳良仲好似發緊夢咁，尋日先話政府正了解情況，睇吓「一契多伙」係極端個案抑或係新趨勢，如果問題嚴重，六月底會採取行動。「一契多伙」明顯係走緊「法律罅」，應該即時打擊，但張炳良一味靠拖，又唔踢唔郁，唔怪得樓價屢創新高喇！
