政情：立會勁慳水？ 原來壞水錶

立法會尋日召開特別財務委員會，審議包括立法會運作開支，議員蔣麗芸就問，點解一五至一六年度立法會大樓嘅用水量，會比一四至一五年多出一倍？而主持會議嘅議員田北辰都有追問，指大樓嘅用水量喺過去幾年「大上大落」。

14/15年水量較實際偏低

秘書長陳維安即刻解畫，指文件上已註明水錶發現有問題，而水務署需跟進一段時間先更換，所以用水量記錄唔正確。不過，出錯並唔係用水量近一萬三千立方米一年，用水量應該係六千三百零立方米、三年間用水量最少嘅一四至一五年度，亦因為嗰年水錶出現問題，所錄得嘅用水量為實際偏低。

田北辰即刻反問：「跌咗咁多？睇嚟佢冇諗到係大樓水錶嘅問題，令到立法會當年咁節省用水。佢更大嘆水錶問題令到大樓「慳咗好多水」。然而蔣麗芸就心水清，指政府過去冇向立法會收取水費，所以用水量多少結果都一樣，突破咗盲點。