食物及衞生局委託顧問進行嘅活家禽未來路向研究前日出台，發現近五成受訪港人仍偏愛食活雞，建議保留零售層面銷售活雞。業界當然拍晒手掌，但香港大學微生物學系講座教授袁國勇尋日就話，即使加強人雞分隔，仍然無法做到禽流感零風險，更認為政府無禁售活雞，考慮嘅已經唔係科學問題，而係市民嘅飲食習慣。究竟健康重要定飲食習慣重要啲？局長高永文係咪搞亂咗呀？
