英國倫敦西敏橋同國會大樓早前發生恐怖襲擊，早前代表立法會去倫敦交流嘅資訊科技界議員莫乃光（Charles）出發前都大呻好驚。Charles到埗後就話倫敦同佢想像嘅好唔同，無見到特別嘅保安措施。佢又去咗當日發生恐襲嘅西敏橋，除咗見每條柱有人以鮮花悼念，其他一切如常，佢話見到市民平靜，令佢即刻唔怕恐襲喎。
Charles上個禮拜代表立法會，參加一個由英國國會舉辦嘅國家安全同網絡安全嘅世界性研討會，同逾七十個來自三十幾個國家同地區嘅議員，討論安全問題。
研討會上，Charles就關注到香港人最重視嘅網絡安全問題，佢出席會議之後去咗發生恐襲嘅地方附近睇吓。佢本來預計會有好多警員駐守，但原來倫敦市面一切如常，令本來擔心恐襲嘅佢安心好多，覺得香港人可向倫敦學習，任何情況都照常生活。