特首選舉後日舉行，立法會尋日就辯論題為「確保行政長官選舉公正進行」嘅無法律約束力議員議案，有民主派議員批評特首選舉係小圈子選舉。政制及內地事務局局長譚志源（Raymond）回應時話，佢同大眾對之前未能通過政改都感到失望，又話做官超過十年，經歷咗三次政改，今次真係「蜑家雞見水」，意思即有得睇冇得投票，仲話雖然自己一向EQ（情緒智商）高，但都有少少動氣喎。政改失敗，Raymond作為主責官員都有責任，真係唔知佢激氣啲，定係市民激氣啲喇！
