政情：楊全盛打高球 遇「撞樣」韓女選手
香港智慧城市聯盟召集人楊全盛（Eric‧左）早前參與一場高爾夫球活動，期間有機會同韓國高爾夫球靚女選手裴善雨切磋球技，表示好開心喺靚女身上學到嘢，佢事後上載兩人合照到社交網站，仲特登留下hashtag話「唔好話畀老婆知」！
Eric話，唔畀老婆知只係講吓笑，今次活動除咗呢位美女選手外，仲有十多名韓國高球選手，個個都靚到好似明星咁，真係唔打得都睇得，而佢哋嘅共同點係「撞樣」，唔好誤會，Eric唔係話佢哋有整容，而係佢哋嘅皮膚都非常白，仲要化咗個紅唇韓妝添，佢笑言，真係唔明點解打高球成日曬住，都可以維持到皮膚咁白喎。
（互聯網）