政情：細菌入腰 陳有慶要撐拐杖
潮屬社團總會榮譽會長陳有慶一向健康狀況唔錯，但自舊年年底開始就發現佢行路時都需要手持拐杖，旁邊不時有人攙扶住，行路步速亦較慢，令人擔心係咪身體出咗問題，甚至有人擔心佢係咪曾經中風，陳有慶嘅兒子、行政會議成員陳智思否認爸爸曾中風，但證實爸爸一度因為腰部有細菌，需要入院數星期，不過依家已經康復。
陳智思話事發喺舊年四月，爸爸一度因為細菌入腰，雖然唔需要做手術，但係就需要入院數星期，慢慢等待條腰好番，至於到底點解會造成細菌入腰，佢就話：「依家你知細菌好犀利o架啦，所以都唔知點解o架。」
佢又話爸爸依家已經康復，但係因為早前整親條腰，曾經有幾個月行動不便，所以目前仍需要以拐杖協助行路，要慢慢練習行路喎。