民航處前處長羅崇文被揭發喺廿億港元豪建新總部事件有「不當行為」，但運輸及房屋局竟然放生佢，僅對佢作口頭或書面警告。該局尋日披露更多調查細節，透露有退休公務員參與調查，並曾要求八名民航處人員提供資料，該局指其中一個調查原則，係對於「高級人員有較大期望」。如果呢個調查原則係真嘅，咁羅崇文身為處長竟然大花筒，亂花公帑，就更加要繼續追殺佢喇！
