日本有唔少癡漢，女性乘搭公共交通工具時就要特別小心，幸好唔少鐵路設置女性專用車廂，只准女乘客使用。不過，唐澤玲就唔使驚，除咗因為面孔和善，能夠融化癡漢之外，佢仲係空手道高手，邊個敢埋佢身呀！
拳頭除咗不打親戚之外，亦不打笑面人，小弟我由細到大成日都笑吟吟，小時候阿媽又真係好少打我。老實講，除咗笑面迎人能夠予人親切好感，就算幾惡幾粗魯嘅男人見到呢種女仔亦會軟落嚟……唔好心邪，我係指佢哋嘅鐵石心腸咋！而呢種女仔就係治愈系美人，今日介紹畀大家認識嘅唐澤玲就係屬於呢類型喇！
28歲嘅唐澤玲五官精緻，外表具整潔感，散發出一股清新又和善嘅感覺，笑起嚟除咗夠甜美，仲顯出一派姊系親切感及治愈能量。就算大家見到玲妹嘅面孔情緒依舊低落亦唔使怕，只要將視點順勢落下，就可以欣賞到一副豐滿又雪白嘅嬌美胴體，當中最值得用肉眼細心「品嘗」嘅，梗係一對脹卜卜又圓潤飽滿嘅極品E奶啦！
唐澤玲喺2014年展開寫真女郎生涯，雖然佢當時已經26歲，較遲起步，但係玲妹勝在夠優質，甫出道即備受注目，可以話遲來先上岸。出道一年之後，佢就得到機會跳出寫真界作多方面發展，包括演出舞台劇《我們的罪團》以及特攝電影《Outer Man》等，上位速度相當快，不過玲妹表示會將發展重心放喺寫真演出上，咁就好喇，男士們有眼福啦！
之但係對於拍寫真，玲妹以「英雄無用武之地」嚟形容自已，點解呢？原來玲妹係空手道高手，佢話自己生平最怕就係做出挑逗性動作同表情，偏偏拍寫真時要佢盡情挑逗觀眾，所以初時令佢好唔習慣，甚至搞到雞手鴨腳，佢坦言打功夫相當有功架兼勁度十足，但係演出寫真時就骨酥肉軟下來，好似武功全失一樣！阿妹你下次成個人軟晒都唔使怕喎，搵我攙扶咪得囉！
簡介：唐澤玲近期工作多多，但亦不忘抽時間吃喝玩樂，想知道玲妹最近又去咗邊度食好東西，就以Click上佢嘅Twitter睇睇喇。
網址：https://twitter.com/rin_karasawa
年齡：28歲
身高：5呎3吋
三圍：34E-23-35
撰文：賢