西九文化區超支問題嚴重，令人質疑好可能會爛尾，早前發表嘅施政報告終於都建議向西九送地「填氹」。相隔冇耐，民政事務局尋日向立法會提交文件，指西九文化區面對營運赤字，預計未來三年財政滿江紅，即係三年都係赤字，要蝕十億元！文件又話將來政府送地授予西九管理局酒店、辦公室同住宅發展權，可以提供另一個穩定嘅經常性收入來源，令其轉虧為盈。咁即係話西九行政總裁栢志高根本無力止血，要等運到喇！
