內地多處爆發禽流感疫情，河源市確診一宗H7N9嘅新病例，自舊年入冬以嚟，廣東累計已確診至少三十七宗病例。雖然食物及衞生局局長高永文早前曾呼籲過市民到內地時要注意個人衞生同避免到濕街市，但只係齋噏話醫院會有準備，直至依家禽流感隨時殺到嚟，佢先話呢個禮拜會召開跨部門會議商討。眾所周知，禽流感唔係冇雞食咁簡單，仲會散播同有生命危險，高永文點可以咁慢手慢腳同被動！
