正氣壓倒邪氣呢句嘢用喺邊度都咁啱使，套喺裸模身上仲Fit到漏添，好似俄妹Augusta Crystal咁，為咗營造正氣形象，不惜講大話稱自己係乖乖女，但實際上就係個愛玩愛蒲嘅夜之女！
乜裸模唔係亦正亦邪先最誘人咩？講就係，真係搵食嘅始終咪又係陽光型妹妹跑出，所以再邪氣嘅女人都要刻意扮光明天使，例如俄妹Augusta Crystal咁，唔經唔覺出道5年，當日佢以淫娃形象示人，每次都有好激嘅演出，令佢好快打入市場，但係咪成功呢？望吓今日阿妹個樣咪知失敗囉！打滾咗5年，Augusta自言未算成功，亦承認當日淫氣逼人肯定係失敗，一心以為人做我唔做，市場欠缺嘅即係有商機，標奇立異就係成功，但冇後續就冇收入，熱潮一過，連阿妹自己都接受唔到！當然一時失敗唔等於永遠都唔Work，無奈Augusta堅持咗兩年時間，都係欣賞寫真嘅人多，實則支持佢嘅人少，因此佢決定放棄，做番個普通裸模算數！何謂普通？咪即係人露我又露，唔使用腦齋靠波哋，即使自己都覺得悶、覺得厭、覺得娘爆，為咗搵食都要照跟，除非你有錢唔使做，咁咪有權拒絕囉！
由邪氣扮正氣，的確係虛偽到冇朋友，但你唔恨得咁多，Augusta真係呃得到人，尤其係近年唔單止扮正氣，仲要扮青春少女，唔知仲以為佢係新人添呀！阿妹之所以成功呃到人，無非都係副偈太正，34C天然上圍，雖然唔算大但夠用，條腰得22吋咁幼，加埋5呎10吋高，可謂天生Model格，即使巴打唔鍾意阿妹扮晒嘢，總會望多兩眼。為咗營造正氣形象，Augusta妹喺訪問時仲好識講嘢，話自己入行前做過3年時裝模特兒，有日被星探發掘試鏡拍寫真，但係佢夠膽喺人前行Catwalk，但就冇勇氣剝衫，後來為咗挑戰自己才決定一試喎。佢又話自己鍾意陽光海灘，可以着比堅尼曬太陽，覺得健康又性感。其實佢鍾意乜都冇問題，最大問題係同佢當時以邪氣形象出道時所講嘅說話完全相反，嗰陣佢自爆鍾意夜生活，最嚮往曼哈頓呢類不夜城生活喎！所以話幾時正幾時邪都係佢自己講嘅啫！而今期佢配合健康形象，選擇喺Amour Angels、Rylsky Art及Metart等網站搵食，話晒人哋拍唯美最耍家，Augusta點都有位企嘅。
出生日期：1989年7月3日
三圍：34-22-35
身高：180cm
簡介：出道5年應該有好多寫真，但頭兩年Augusta妹都係坐多過做，反而上年係拍得最多一年，相信係個人成熟咗圓滑咗，想睇好嘢，不妨去呢個網，有晒預覽慢慢爽！
網址：www.thenude.eu/Augusta%20Crystal_13272.htm#Bio
撰文：祖