反壹傳媒黎智英（漢奸黎）嘅示威不絕，兩名聲稱自發前來嘅女子尋日下晝帶同橫額到漢奸黎嘅寓所附近示威，怒轟漢奸黎係佔中黑手、反中亂港。
示威者喺尋日下晝約二時十五分抵達漢奸黎位於何文田嘅寓所附近抗議，又隨即展示印有漢奸黎頭像及寫有「反中亂港肥佬黎」、「黑金金主 厚顏無恥」、「佔中黑手 千古罪人」、「漢奸走狗 滾出香港」字句嘅海報同橫額。
近期針對漢奸黎嘅示威行動不絕，自舊年六月十日起計，至今已踏入二百四十七日，連同尋日嘅示威行動在內，到漢奸黎寓所附近及將軍澳壹傳媒大樓外示威嘅行動最少達一百五十次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百三十七次。
卓妮
