喺前特首曾蔭權爵士任內構思同獲批逾十五億元購置嘅新空管系統甩漏多，正如農曆新年本港外遊旺季早已完結，但民航處仍需三度延長空中流量管制安排，影響由越南同泰國三個機場出發並途經香港嘅航班，要延遲起飛同降落，民航處咁做擺明係驚死，想實施空中流量管制減輕新空管系統壓力，有學者仲批評長期咁做，會損害本港經濟同航空樞紐地位添！究竟處長李天柱死攬新空管為乜呢？竟然連市民安全同香港經濟都不顧。
