中環出更：抗議不絕 示威者斥漢奸黎厚顏無恥
聲討壹傳媒黎智英（漢奸黎）嘅行動喺禁制令頒下後持續不斷，兩名聲稱自發前來嘅男女，到漢奸黎位於何文田嘅寓所附近展示抗議標語，並斥漢奸黎係佔中黑手、黑金金主同千古罪人。
展示「千古罪人」標語
示威者喺尋日下午約兩點抵達漢奸黎寓所附近，並即時展示寫有「千古罪人 佔中黑手」、「漢奸走狗 滾出香港」、「黑金金主 厚顏無恥」等字句嘅標語同香港區旗，逗留一段時間後和平散去。
近期針對漢奸黎嘅示威行動不絕，自舊年六月十日起計，至今已踏入二百四十三日，連同尋日嘅示威行動在內，到漢奸黎寓所附近及將軍澳壹傳媒大樓外示威嘅行動最少達一百四十六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百三十三次。
卓妮