立法會財務委員會主席陳健波早前已表明，下次會議就問責官員加薪撥款申請限制議員嘅發言時間，隨時準備剪布，但本土派嘅議員朱凱廸仍咬住政制及內地事務局局長譚志源唔放，要求提交問責制官員、公務員及外判工人等嘅薪金中位數，又問政府係咪同意先逐步減少外判，再行調整問責官員薪津等。唔通佢將問責官員等同外判工？若果政府畀咗資料，佢會唔會又鬧爆唔夠時間睇？講到底，都係想阻撓撥款啫！
