政情：今日你上鏡：着恤衫西褲聰 明 打泰拳

香港工業總會主席鄭文聰早前同工總副主席嚴志明着住恤衫西褲打泰拳。話說佢哋日前去咗香港中華總商會會董張俊勇嘅公司，仲喺公司內擺放嘅沙包前戴上拳套試玩。講起泰拳，鄭文聰話其實未學過，但佢十五歲嗰時就學過幾年柔道、詠春同跆拳道，笑言後生百厭鍾意紮紮跳，乜嘢都試吓。鄭文聰又話，工總嚟緊二月會推出一系列同運動相關嘅活動及產品，宣揚工業界新思維同推動港人多動腦筋，塑造工業界活力形象。