政府喺未有進行公眾同立法會諮詢之下，突然宣布喺西九文化區興建香港故宮文化博物館，引起極大爭議。有關故宮館嘅問題愈揭愈多，尋日又爆出故宮館嘅設計圖，但設計圖竟無出現喺為期六周嘅公眾諮詢同展覽之中。因為林鄭月娥辭職，啱啱接任政務司司長同西九管理局主席嘅張建宗，咪以為執到筍位，事關佢無可避免要執故宮館呢個爛攤子，睇嚟佢都好難撲得熄呢場火o架喇！
