中環出更：20人兩度示威 轟漢奸黎賣國亂港
聲討壹傳媒黎智英（漢奸黎）嘅行動喺禁制令頒下後仍然持續，一批為數二十名聲稱自發嘅人士尋日兩度踩上漢奸黎嘅寓所附近抗議，怒轟漢奸黎係英美契弟、死出香港，又踐踏有漢奸黎頭像及寫上「不得善終」嘅紙牌洩憤。
示威者昨晨約八點抵達漢奸黎位於何文田寓所附近嘅行人路上示威，佢哋舉起印有「賣國亂港佔中港獨黑金金主 大漢奸黎智英全家滾出香港」嘅橫額，以及印有漢奸黎頭像並寫上「通番賣國 黑金亂港」、「英美契弟 死出香港」及「不得善終」等字樣嘅紙牌示威，期間示威者將海報放喺地上用腳踐踏，又大叫口號，佢哋逗留個半小時後散去。
怒氣未消 下晝折返拉橫額
及至下晝約四點十五分，示威者再折返漢奸黎寓所嘅行人路示威，佢哋再度拉起橫額及手舉紙牌，逗留約一小時後和平散去。
近期針對漢奸黎嘅示威行動不絕，自去年六月十日起計，至今已踏入二百一十五日，連同尋日行動在內，到漢奸黎寓所及將軍澳壹傳媒大樓外嘅示威最少達一百一十九次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零六次。
卓妮