西九文化區興建故宮博物館爭議不休，先係被批評冇公開諮詢，身兼西九管理局主席嘅政務司司長林鄭月娥就攞大熊貓出嚟做擋箭牌，點知擋唔住要跪低，但仲死撐話為期六周嘅諮詢係早有安排。本來公眾諮詢今日展開，突然煞停，再一次跪低，原因係要等西九管理局開埋會先喎。林鄭跪完又跪，有說一不離二、二不離三，最終會唔會又跪多一次，連故宮館都唔起呢？
