織川美加雪奶冇得輸

做人唔可以太過自信,但係亦唔可以冇自信心,有料的話唔使過分謙虛,有時喺人地面前認吓叻亦無妨,好似日本寫真界新人織川美加咁,身懷極品巨乳唔單止飽滿堅挺又天然,加埋雪白肌膚,真係冇得輸,就係呢份自信令阿妹更加迷人。

嫩白彈手

日本北海道除咗盛產優質乳製品,據聞仲盛產美女,而呢班北海道美人除咗面孔標致,最大嘅特點係肌膚好似牛奶咁白滑,例子包括有索到啪啪聲嘅AV女優美雪愛麗絲,而日本寫真界亦有今日為大家介紹嘅巨乳新人織川美加。

織川美加今年19歲,樣子雖然唔算係好俏麗美艷,仲有少少包包面,但係勝在嫩口,散發出青春活潑之色,足以彌補不足,唔會令人難以接受。如果大家咁都未滿意的話唔緊要,因為美加嘅胴體豐滿且鮮嫩白滑,肉感十足,相信男士們一定鍾意,而胸前嘅飽滿G奶巨型又堅挺,連美加都表示憑住呢對雪白大奶,令佢自信心十足,更加覺得呢對G奶唔會輸畀任何一位現役寫真女優。

積極減肥

美加喺上年下半年出道,憑住一對雪白大奶而成功打響名堂,據講美加嘅偶像係寫真界童顏巨乳掌門人篠崎愛,希望以對方為目標,亦希望可以好似愛妹咁活躍於寫真界以及歌唱界。之不過,佢就話篠崎愛雖然身材激凸,但係有啲肥,同佢家陣嘅身形差不多。為咗令自己更加有吸引力,盡快追趕到愛妹嘅步伐,美加每逢放假都會去健身室做運動減肥,然而照家陣美加嘅身形嚟睇,一定要加倍努力先可以有明顯瘦身效果喇。

美加的確好想成為篠崎愛嘅接班人,但係唔會心急,現專注於拍寫真以及出席攝影會,打好根基後再另謀新發展。提到拍寫真,美加對於呢份工作感到相當開心,因為喺拍攝期間令佢可以趁機會嘗試做大人嘅感覺,將大膽又豪放嘅動作盡情演繹,美加話平時做出呢啲動作一定會被人鬧,但係拍寫真時就會獲得讚賞,令佢好有滿足感。

社交網站

簡介:織川美加近期嘅寫真演出機會相當多,每次佢都會將部分性感泳裝相放上網同大家分享,Click上其Twitter一定可以大飽眼福。

網址:https://twitter.com/mi0426mi

織川美加Profile

年齡:19歲

身高:5呎1吋

三圍:37G-24-35

撰文:賢