政情：劉美詩回巢好橋益「單身貴族」
叫得做旅遊界一姐真係非浪得虛名，曾經係康泰旅行社前總經理兼「生招牌」嘅劉美詩（Susanna），早幾年離開任職超過三十年嘅康泰後投身家族生意，經營外傭中介業務，不過佢近年重返旅遊界後，早前便獲康泰力邀回巢幫手，出任高級副總經理。
純「湊腳」非愛情配對
劉上任約兩個幾月即有新橋，一七年打頭炮將與澳洲新南威爾士州旅遊局合作推「單身貴族出走團」，為高端單身一族「湊腳」去旅行，強調唔係愛情配對，而係讓覺得單獨旅遊時諸多不便嘅人可以搵到志同道合嘅朋友，啱晒愈來愈多單身貴族嘅香港，真係絕世好橋。